ماسك الروب والكركم للوجه

ماسك الروب والكركم للوجه ونتيجتها رائعة ما توقعتها بصراحة .
بشرةوجهي مختلطة وحساسة , عندي بقع وكلف أعلى الخد وبشرتي الفترة الماضية كانت مجهدة وباهتة وبادية تسمر , مع إني أهتم بشكل روتيني يومي من تنظيف وكريمات.
قررت أهتم ببشرتي بشكل أكثر واعمق , رحت الصالون وسويت تنظيف عميق للبشرة لازالة الرؤوس السوداء والجلد الميت والنتيجة كانت مرضية ( عادة أسوي تنظيف البشرة في عيادة الجلدية )
في الصالون حطت لي ماسك ترطيب بعد . المهم أنا بس كنت ابي انظف بشرتي استعداداً للعلاج بالماسك الطبيعي .
بعد ثلاث ايام بديت أحط خلطة الروب والكركم على وجههي وأخليها لين تنشف ( عادة ساعة كاملة ), أحطيها بالليل طبعاً وبعد الساعة أغسلها بالماي الفاتر عدل وبعدها استعمل مزيل المكياج لازالة اثار لون الكركم ( مع انه اللون خفيف ) وبعدين أمسح وجهي بماي بارد وقبل ما أنام أحطي كريم الليل
صار لي اسبوعين وانا استخدم هذه الخلطة كل ليلة والحمدالله النتيجة رائعة , أولاً من أول مرة حسيت انه بشرتي نضرة وندية , ومع الوقت أحس انه لون بشرتي صار يفتح وترجع للونها الطبيعي , واحس انه البقع بدت تخف – مب وايد بس خف لونها شوي
صح انا أحطي الماسك بعد على شفايفي وفعلاً يقشر وفتح لي لون الشفاه
اللي حبيته أكثر في هذه الخلطة أنه بشرتي تقبلتها وما تحسست منها إضافة إلا انه ما سببت لي اي حبوب الحمدالله واحست انها تشد البشرة بعد
مقادير الماسك :
علبة روب ( زبادي او يوقورت ) صغيرة
ملعقتين صغار كركم ( انا استخدمت كركم الطعام ( نوعية ممتازة ) لأنه ما عندي كركم الجسم )
أخلط المقادير مع بعض عدل وآستخدم الماسك وهو بارد .
باقي الخلطة أغطيها واحتفظ بها في الثلاجة وهذه المقادير تكفي للاستخدام من خمس لسبع مرات .
هذه تجربتي حبيت احطيها لكم علشان تستفيدوا منها
والخلطة ماخذتنها من النت ولكن في وصفة النت كمية الكركم ملعقة صغيرة وحدة وأنا حسيت الكركم مب كافي فخليتها ملعقتين < أيضاً في خلطة النت كان فيه قطرات من عصير الليمون ,انا ما استخدمته لأنه بشرة وجهي ما تستحمل الليمون وتتحسس ( من تجارب سابقة ).

اضف تعليق

العناية بالبشرة

عن الكاتب كمال خضر

مركز تجميل سيدتى إختبار مجتمع أحدث ماركات المكياج نصائح رفاهيةأعراس شهر العسل

عن الكاتب كمال خضر

مقالات قد تهمك